如果我識得攪，想當年我係銀行做就唔使辭職，直頭一早升埋職啦。廿年前廿萬年薪,係行內人工只算係普普通通。但廿年後今天都是廿萬年薪，真是完全難受。
天邊消息總是虛，基本上我好小出街，好小去玩，現實係因為唔夠錢使，街都唔出都只是儲到一二千，出多兩次街實使到突。所以就算有風我都未必會理會。（30歲後，有比老母家用交屋企支出同煮飯比我食，開頭2千（09年我得9千蚊人工咋），有一排比到6千（13年萬3,4份工包膳食剩到錢）,近排5千，平均嚟講有4千）
再者大廈法團又話動議每戶夾8萬幾蚊維修大廈外牆，真係粗口都爆埋出嚟，10年前先維修過，咁快又話要維修。
慶幸的，今天總算儲到3,5萬係銀行，信貸評級我信有A,B grade，叫做冇咁肉酸啦。
好想結婚，好想有細路，但一個人搵自己使都冇乜錢剩，點應付1家4口嘅開支，萬6蚊應付1家4口衣食住行開支，有可能嗎？
根本廿年前我都唔敢唸，計得掂條數，行得掂，講得通，仲要有足夠嘅錢剩應付突發開支就話敢唸成家立室，生兒育女姐。
事業運係好嘅，今時今日都唔使做SO啦，會考只係5科合格的經理，市場上大有人在，再高級嘅一樣有。（我會考考8科，8科都合格）但命運唔好都總不能怨天由人架。
30歲前自問幾聽話,又肯做,絕小話辛苦,牛一隻.
我唔係好想再提，不過煩都比佢地班友仔煩死，我會考有考電腦，攞個D，之後在職讀左1年Computer Science，有cert.連埋會考前後讀左3年電腦，所以自問份銀行工，年薪20萬，係2千年開始根本已經唔係比得好。有句說話我曾經講過，我要求係快靚正，結果自己就被動地要快靚正返工做到放工，依個係我辭職嘅埋由之一，我袋一份人工咋，點解要做幾個人嘅野，仲可以忍足咁多年。當然，2千年如果揸張VTC high dip.,年薪有20萬，我知道大把人肯做住先，正所謂有人被迫辭職歸故里，亦有人漏夜冒雨趕科場，公司根本唔怕請唔到人。
另一個理由就是，唐生，一個曾經比機會我，由clerk升到assistant operations supervisor嘅部門經理（Section Manager），自從唐生升左去第二個部門坐正做Department Manager後，我就被人話食碗面，反碗底，根本我一粒聲都未出過，（我有求過唐生跟埋佢轉部門喎），但之後嗰7年，就令我心態由正面轉化到去極度反感，不過又冇機會出聲，日日返工做到放工，經驗小d都做唔掂，根本唔想多說話。況且，自己新任部門經理有重視過我咩？最後咪夾我去人事部，話公司有新安排，兼且人事部經理要我降職跟唐生。真係老馬都有火，你地當我係義工？降職即是做返文員？當然，公司升得我，就可以降返我職級，但我做錯乜先，有冇理會過我心情，有冇肯定過，欣賞過，認同過我付出嘅努力，心機，台上一分鐘，台下拾年功。
你估我唔知跟老細，老細話你係乜級咪乜級囉，打份工姐。不過我絕對相信，如果您地睇到我工作嘅實況，您地會批到30萬年薪比我囉。咪當我唔知出面市場價單先得架。24小時任何時候，我單拖都攪得掂data centre,現實有幾多個做得到？
我絕對絕對吞唔落呢啖氣！！ 我死都唔眼閉.
我相信就係我呢啖氣，焗死左我老豆。我好掛住你，老豆，來世再做你個仔，不過你記得搵夠錢，有能力供書教學到我讀完博士先好生我喎，因為隨時我40歲，都仲係讀緊書，因為我讀書唔叻，但我肯讀，我記性好唔好，就視乎老師點教，所以，隨時你孫仔讀到大學，我都仲係大學讀緊，不過我唸衰極都讀到博士掛。知道麻，其實即係要你搵錢供夠兩代生活學費嘅開支。
30歲至40歲自問比人感覺唔多上進,其實我有努力溫習英文,2013同2014我2年TOEIC都考到700分樓上,以一個Form 5仔嚟講自問幾高分了,自問都應該幾滿意了. 因為9幾年我只得580分，但其實唔係囉，因為我目標係750分樓上，800分更好，差廿五分都攞唔到？答啱多5，6條咪得囉，但我唔知點解釋。
曾經寫到幾編超水準的英文(以Form 5水平嚟講),已經叫對自己有個交待..算係囉
雖然做人處世唔應該用錢衡量,但現實世界就乜都係錢,我都想知可以點.
機會係人比的,亦都要靠自己努力.但今天,我自問投晒降了,其實應該話一早投晒降,聽天由命了.
原本計畫好4,5月搵份返夜晚嘅工,以為有時間可以讀返個學歷,點知呢幾個月又遇上社會運動,真係乜心機都冇晒,真黑仔.再者,呢幾個月有d魂魄都唔齊嘅感覺,真是讀乜都係嘥氣.
依排專注力不足，煙癮又大，點算
45歲了,死就一世,唔死就大半世,仲到我唸溝乜野女,生幾多個,點樣先有個幸福家庭咩! 個天咁樣安排,我都冇辦法.
唔好唔信依個世界上有鬼,時辰未到,遇唔到姐,其實前世今生,有d野,有d印象,但細節邊記得清楚丫,所以我都唔知比乜野反應好。但我絕對相信，我一生的經歷,每一件事情,每一個細節,前因後果,地府一定比我知得更清楚.幾拾年後落到去,麻煩你地話返比我知.不過連多名地府官員都親自上嚟望下我,自問受寵若驚,只係驚到扮唔知,扮冇反應.強作鎮定。大家都好友善，雖然我見唔到你地，但我聽覺係正常架。我唔係怕死，但我唔敢找死。希望咁多位地府官員比次機會，我想長命d。
我想做爸爸，我想做爺爺，起碼睇埋個孫結婚先啦
條路可以點行
希望快d牛一,可以重新上路 |
住戶編號:3452219
的日記本
檢舉原因
心情: 
