2022.9.11-C│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,540,141 個住戶交朋友～

紅包抽抽樂！小資變土豪！

素人也能成為明日之星！

移除此區廣告請加入VIP

檔案狀態:

住戶編號:2268321

C 的日記本

快速選單

2022.9.9 《前一篇

後一篇》 2022.9.14

回應

給他日記貼紙

給他愛的鼓勵

檢舉

篇名: 2022.9.11
作者: C	日期: 2022.09.11　　天氣: 　心情:

今仔日是九月十一，禮拜日。我佇葛雷多摸非。

昨昏9/10拜六中秋節。嘛來遮摸非，因為無法度上網，就無寫日記。今仔日補記。

昨日9/9是拜五，下晡先陪囡仔彈琴，太太嘛開始想欲練。
彈一睏了後，陪囡仔睏一下晡了，取囡仔去學校耍。太太講跤球阿公欲來教伊踢球。
可能是因為睏有飽，所以囡仔走起來，加較有精神。
跤球阿公嘛呵咾伊今仔狀況誠好。結果予伊那走那踢，閣走去抾球，攏總十五逝。
囡仔走起來誠挺，袂閣曲痀，感覺好帥。
走十五逝了，阿公講今仔按呢就好，莫閣走矣。
我感覺若是逐禮拜按呢練，體力一定會有進步。
彼个跤球阿公以早是跤球國手，平常時攏佇楠仔坑運動，拄著仔才來遮耍，誠有緣。

太太手機仔看台中後頭，傳來烘肉活動情形，應該是誠欣羨，想欲轉去的款。
大舅仔查某囝敲來問敢欲轉去，我佇邊仔嘛誠艱苦，毋知明仔日敢欲去。
我已經有拍算可能愛轉去矣。

太太嘛是驚歹勢，中秋節應該愛團圓，毋過轉去鬥鬧熱，高雄人少這爿就較恬靜，
太太應該嘛是誠矛盾。
我會當體諒太太心情，毋過嘛驚阿爸阿母無歡喜。石磨仔心誠歹做
暗頓先陪太太囡仔去食烏輪，我無啥食，因為感覺對厝裡歹交代...
轉去糞圾車過矣。
我有共厝裡講有可能明仔日會去台中。予阿爸阿母心裡有準備。
太太嘛開始摒掃厝裡。這予我心內感覺欲強。
暗時陪囡仔耍大鐵枝路。

閣早，拜六早，我摸非煞，買早頓轉去，太太囡仔猶未起床。
我先收衫，想欲練琴。囡仔起來嘛搶欲練
囡仔雖然一直喝講欲食烘肉，毋過毋想欲去台中。
這款話予囡仔講出來，可能是上好的結果。避免大人的矛盾。
囡仔彈琴的範愈好，看著阿母上樓來，伊就欲彈予阿媽聽。
囡仔這兩三日感覺欲大漢，誠大方，毋館對厝裡阿公阿媽，抑是外口的生份人，譬如跤球阿公。
太太講連玫瑰班老師嘛誠呵咾囡仔大方。

太太知影囡仔無欲去台中，我講下晡來全聯攢物件，咱家己烘。
下晡取太太囡仔去全聯買誠濟物件。
雖然無真正烘肉，毋過揣出電磁爐準備煮火鍋，

咱環境若是無法度照加己的向望生活，就加己創造幸福的條件
首先就愛先靜落來評估現有條件
一開始犯勢毋是咱所想欲愛的，但是用心經營了，無的確有新的發現
雖然無一定是上好，但是可能是上平安的結果。

毋管是太太嫁入來這个家，抑是囡仔出世了，我攏愛用心去理解天公伯仔安排，
愛珍惜會當做伙的每一工。
阿爸阿母嘛是。
阿爸昨暗用柚仔皮做一頂帽仔予囡仔戴，伊閣誠愛，因為佮別人的毋仝款
這个厲害的阿公是阮兜囡仔才有的喔。

標籤:

瀏覽次數:146 人氣指數:346 累積鼓勵:10

切換閱讀模式

回應

給他日記貼紙

給他愛的鼓勵

檢舉

給本文愛的鼓勵：